Өзбекстан астанасында 4 шілдеде көлеңкеде ауа температурасы 43,5 градусқа жетіп, соңғы 157 жылдағы рекорд жаңарды. Бұл туралы Uzb_Meteo Telegram-каналы мәлімдеді деп жазады ҚазАқпарат.
Оның айтуынша, бұл көрсеткіш 1868 жылдан бері дәл осы күнге тіркелген ең жоғары температура саналады.
Сонымен бірге, Ташкенттің абсолюттік температура рекордына небәрі 1 градус жетпей қалды: 1997 жылдың 18 шілдесінде қалада 44,6 градус тіркелген болатын.
Ұқсас температуралық рекорд Наманган облысында да орнаған болуы мүмкін — мұнда 42,6 градус тіркелді. Бұл 2007 жылдың маусымында болған алдыңғы максимумнан 0,1 градусқа жоғары.
Өзбекстан аумағына қатты ыстық 2 шілдеде Ауғанстан мен Түрікменстан жақтан келген. Елдің оңтүстік аймақтарында аптап ыстық болған, әсіресе Термездегі температура 43 градусқа жеткен. Навоий облысының шөлді жерлерінде ауа 47 градусқа дейін қызған.
Синоптиктердің болжауынша, 6 шілдеден бастап республикада күн біртіндеп салқындай бастайды.
