«Вечерный Бишкек» басылымының интернеттегі сайты «Ақ үйде» отставкіге кеткен президент Сооронбай Жээнбековтың өртеніп кеткен кабинетінен түсірілген видеоны жариялады.
Қазанның 5-інен 6-ына қараған түні көтерілісшілер Жоғарғы Кеңестің ғимаратын басып алды. Жас жігіттер ішке кіріп, техникалар мен жихаздардың талқанын шығарған. Ғимараттың жетінші қабатында президент отыратын бөлмелерге от қойылған. Өрттен Жээнбековтың қабылдау бөлмесі мен қызметтік бөлмесінен түк те қалмаған.
- Бұл бәріміз үшін сабақ болуы тиіс. Елдің ендігі басшылары бұл күндерді ұмытпауы тиіс, - деп жазған осы видеоны алғаш жариялаған Жоғарғы Кеңестің баспасөз хатшысы Ибраим Нуракун уулу.
Баспасөз хатшысы осы аптада өз еркімен жұмысынан босап кеткен.
<iframe width="1019" height="573" src="https://www.youtube.com/embed/kZwCHzw3d1A" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen=""></iframe>
