АҚШ Мемлекеттік хатшысы Марко Рубио сәрсенбі күні Украинадағы қақтығысты реттеу бойынша келіссөзге қатысу үшін Лондонға бармайды, деп мәлімдеді Мемлекеттік департаменттің баспасөз қызметінің жетекшісі Тэмми Брюс, деп жазды ТАСС ақпарат агенттігі.
- Мемлекеттік хатшы Рубио – жұмысбасты адам. Ол бізде болған ең белсенді Мемлекеттік хатшылардың бірі және бұл оның өмірінің әрбір күніне әсер ететіні сөзсіз. Сондықтан белгілі бір жоспарлар болған кезде, олар шартты болатынын білесіздер. Ал бұл жағдайда Лондондағы кездесулер жалғасып жатқанда ол келіссөзге қатыспайды, - деп атап өтті дипломат.
Ол Ұлыбритания астанасындағы келіссөзге Вашингтонның Владимир Зеленскиймен және Украина басшылығымен байланысын қадағалайтын Украина бойынша арнайы өкіл Кит Келлогтың қатысатынын қосып өтті.
- Иә, онда генерал (отставкадағы) Келлог бар және бұл әңгімелерді ол жүргізеді. Сондықтан біз Лондоннан жақсы хабар күтеміз, - деді Брюс.
Баспасөз қызметінің жетекшісі Вашингтонның Украинадағы қақтығысты әскери емес, дипломатиялық жолмен шешуді қалайтынын растады.
Келіссөзге сондай-ақ Ұлыбритания, Франция және Киев билігінің өкілдері қатысады.
Бұған дейін АҚШ Мемлекеттік хатшысы Марко Рубио АҚШ Украинадағы жағдайды
