Белгілі саясаткер Әміржан Қосанов келесі Президент сайлауына түсе ме? Бұл сұраққа қоғам қайраткері өз жауабын берді.
– «Құдайды күлдіргің келсе, оған ертеңгі жоспарыңды айт!» деген әзіл-шыны аралас бір нақыл сөз бар. Мен де Құдекеңді күлдірмей-ақ қояйын. Осыдан 23 жыл бұрын және өткен президент сайлауы алдында айтқан бір сөзімді қайталайын: «Кезекті президент сайлауы боп жатса, өзін ағымдағы билікке қарсы деп санайтын баршы ұйымдар мен тұлғалар жиналып, өз арасынан бір кандидат ұсынуы шарт! Әйтпесе, «бас-басына би болып», билік кандидатына қарсы лайықты тойтарыс бере алмайды! Осы ұстанымнан әлі де айныған жоқпын! - деді Әміржан Қосанов.
Әңгімелескен Мария СӘУЛЕБЕКҚЫЗЫ
"Рейтинг" газеті
