Петропавлда тұрақтандыру қорының сауда орындарында картоп келісі 97 теңгеден сатылып жатыр деп хабарлайды ҚазАқпарат.
«Солтүстік» ӘКК» АҚ басқарма төрағасы Жақсылық Есдәулетовтің айтуынша, картоп жеткілікті. Биыл тұрақтандыру қорына 1200 тонна өнім алынады, тиісті келісімдер жасалды. Қалған өнімдер де қордың сауда орындарында шектеусіз сатылып жатыр.
Тұрақтандыру қорына әлеуметтік маңызы бар 14 азық-түлік өнімі сатып алынады.
«Солтүстік» ӘКК» АҚ өз сауда орындары Петропавлда жеті орында орналасқан, олар: «Дария», «Алтын арман», «Тайга», «Қызыл Жар», «Алматы-Петропавл» базарлары және «Корона», «Океан» сауда үйлері. Ал Қызылжар ауданының тұрғындары «Қазпошта» АҚ ғимаратында орналасқан сауда орнынан азық-түлікті арзан бағаға сатып ала алады.
Петропавлдағы ірі супермаркеттерде де тұрақтандыру қорының өнімдері сатылады.
