Өткен жылы Тәжікстанға саяхаттап барған шетелдік туристердің саны 16,7%-ға өсті, деп хабарлайды Kazinform агенттігінің тілшісі.
Тәжікстанның Туризмді дамыту комитетінің мәліметінше, былтыр аталған ел 1,4 млн туристі қабылдаған.
Саяхатшылардың басым бөлігі – өзбекстандықтар. Яғни, 897,3 мың адам Тәжікстанның көрікті жерлерін аралаған. Сонымен қатар, былтыр 334,5 мың ресейлік турист демалысын осы елде өткізген.
Тәжікстанға сапарлаған Қазақстан азаматтары да аз емес. 2024 жылы 34,6 мың адам аталған мемлекетке саяхаттап барған. Бұл 2023 жылғы көрсеткішпен салыстырғанда 9,8%-ға көп.
Еске салайық, өткен жылдың қорытындысы бойынша Қазақстан Тәжікстанның негізгі сауда серіктестерінің үштігіне енді.
