2025 жылдың 5 наурызында Бейжіңде 14-шақырылымдағы Бүкілқытайлық халық өкілдері жиналысының үшінші сессиясы жұмысын бастайды, деп хабарлайды Kazinform.
Осы аптада «екі сессия» — Бүкілқытайлық халық өкілдерінің отырысы және Қытай халықтық саяси консультативтік кеңесінің (ҚХСКК) отырыстары басталады.
4 наурызда Бейжіңде Қытай Халықтық саяси консультативтік кеңесінің 14-ші шақырылымы Жалпықытайлық комитетінің 3-ші сессиясы ашылады. Парламенттің ағымдағы сессиясының күн тәртібінде Үкіметтің 2024 жылға арналған жұмысы туралы есебін және 2025 жылға арналған әлеуметтік-экономикалық даму жоспарының жобаларын, орталық және жергілікті бюджеттердің өткен жылға арналған мен олардың ағымдағы жылға арналған жобаларын тыңдау және қарау бар.
Еске сала кетсек, 2024 жылдың соңына қарай Қытайдың жалпы ішкі өнімі 130 трлн юаньнан (18 трлн доллардан астам) асты. 2025 жыл — 14-бесжылдықтың (2021-2025) қорытынды жылы және 15-ші бесжылдықтың келесі кезеңінің міндеттерін қалыптастыру. Биыл сондай-ақ «Қытайда жасалған 2025» бағдарламасының қорытындысын шығаратын жыл. Сессия барысында сонымен қатар ҚХР Жоғарғы Сотының Төрағасы мен ҚХР Жоғарғы халық прокуратурасының Бас Прокуроры баяндама жасайды.
Сессия бір аптаға созылып, 11 наурызда аяқталады деп күтіліп отыр.
Бүкілқытайлық халық өкілдері жиналысы сейсенбі күні баспасөз мәслихатын өткізеді, онда ҚХСКК 14-ші шақырылымы үшінші сессиясының баспасөз хатшысы сессияның күн тәртібі мен жұмысына қатысты сұрақтарға жауап береді.
Ағымдағы сессияның тақырыптары экономикалық даму, сыртқы және қорғаныс саясаты мәселелеріне арналып отыр.
Осыған дейін Қытай шетел компанияларына телекоммуникациялық қызметтерге сынақ есебінде қол жеткізуге рұқсат бергені мәлім болды.
