Бүгін Сенаттың жалпы отырысында ҚР Жоғарғы сотының судьясы лауазымынан босатылды.
Палата отырысында ҚР Жоғары сот кеңесінің төрағасы Дмитрий Малахов Президенттің ұсынымын оқып берді.
- Сенаттың қарауына Нұрғазы Әбдіқановты отставкаға кетуіне байланысты Жоғарғы соттың судьясы қызметінен босату туралы Мемлекет басшысының ұсынысы енгізілді. Судья зейнеткерлік жасқа толды және 27 жылдан астам судьялық еңбек тәжірибесі бар, - деді Д.Малахов.
Еске салсақ, 2020 жылы Нұрғазы Әбдіқанов Жоғарғы сот судьясы лауазымына сайланған еді.
Нұрғазы Әбенұлы Әбдіқанов 1962 жылы дүниеге келді.
1988 жылы КСРО Ішкі істер министрлігінің Қарағанды жоғары мектебін бітірді, заң ғылымдарының докторы.
1982-1990 жылдары Қазақ КСР Ішкі істер министрлігінің органдарында әр түрлі лауазымдар атқарды. 1990-1996 жылдары Қазақстан Республикасы мемлекеттік тергеу комитетінің Алматы жоғары мектебінде оқытушы, аға оқытушы болып қызмет атқарды.
1997-2002 жылдары - Алматы қалалық сотының судьясы.
2002-2005 жылдары - Жамбыл облыстық сотының қылмыстық істер жөніндегі алқа төрағасы.
2005-2009 жылдары - Жоғарғы соттың судьясы.
2009-2017 жылдары - Солтүстік Қазақстан және Ақмола облыстық соттарының төрағасы.
2017 жылдан Алматы қалалық сотының төрағасы болды.
