Түркістан облысында Алтынсарин атындағы кітапханаға ғимарат сатып алуға 500 миллион теңге бөлінді.
Тарихы терең Алтынсарин атындағы кітапхананың болашағына алаңдап "Amanat" партиясынан сайланған облыстық мәслихаттың депутаты ретінде алты ай бұрын өңір басшысы Дархан Сатыбалды қатысқан мәслихат сессиясында мәселе көтерген едік. Сол көкейтесті мәселеге байланысты жаңа ғана сегізінші шақырылымдағы Түркістан облыстық мәслихатының кезектен тыс он алтыншы сессиясында оң шешім қабылданып, Алтынсарин атындағы кітапханаға басыбайлы ғимарат сатып алуға бюджеттен 500 миллион теңге бөлінетін болды. "Кітапхана - мемлекеттің, ұлттың негізгі жады". Ұлттық құрылтайда осы сөзді айтқан Президент Тоқаев жаппай кітап оқитын ұлтқа айналуымыз керектігін атап өткен болатын.
Тоқсаныншы жылдардағы аласапыран уақытта елімізде мыңдаған кітапхана жабылғанын, сол заманда миллиондаған кітап қорынан айырылғанын тілге тиек еткен Қасым-Жомарт Кемелұлы кітапхананы дамытуға мемлекет тарапынан айрықша көңіл бөлінетінін мәлімдеген еді. Осы орайда
Оңтүстік өңіріне кеңінен танылған, 65 жылдық тарихы бар Ыбырай Алтынсарин атындағы Балалар кітапханасының баспанасыз қалуы былтырдан бері елді алаңдатқан еді.
Қуантарлығы сол, мықты экономист, салық саласының кәнігі маманы атанған облыс әкімі Нұралхан Көшеров елдің
алаңдаушылығына, депутаттық дабылға тікелей назар аударып руханият саласына да бей-жай қарамайтын азамат екенін танытты.
Ғалымжан Елшібай,
Түркістан облыстық мәслихатының депутаты
