Танымал актер, сатирашы Тұрсынбек Қабатов желі қолданушылары арасында елорданы қардан тазалату туралы жаңа челлендж бастаған болатын. Оның бұл ұсынысына президент Қасым-Жомарт Тоқаев та қолдауын білдірді. Бұл жайлы президент өзінің Twitter парақшасында былай деп жазды:
"Белгілі әртіс Тұрсынбек Қабатовтың астанамыздың аулаларын қардан тазартып, #БізБіргеміз хештегімен видео жариялау туралы ұсынысын қолдаймын. Волонтер жылына сай бастама."
Айта кетейік, бұл ұсынысты әуелі елорда жастары ұсынып, кейіннен сатирашы Тұрсынбек Қабатов пен журналист қоғам белсендісі Асхат Садырбай қабыл алған болатын.
