26-27 қыркүйек аралығында Дүниежүзілік туризм күніне орай Шымкент қалалық туризм және сыртқы байланыстар басқармасы «Шымкент-2200: жасампаз туристік қала бейнесі» форум-көрмесін ұйымдастырады. Іс-шараға өтінімдерді қабылдау уақыты 24 қыркүйекті қоса алғанда ұзартылды.
Қаланың шығармашылық имиджін қалыптастыруға, дарынды азаматтарды қолдауға бағытталған шара бәсекеге қабілеттілікті арттырып, қаланың әлеуметтік-экономикалық дамуына және туризм саласының дамуына септігін тигізеді.
Форум-көрме алты номинациядан тұрады: «Медиа», «IT-жоба», «Креативті архитектура», «Туризм саласындағы креативті қызметтер», «Қала бренді», «Гастрономия».
Жобалар қазақ/орыс тілінде және электронды түрде (jpg, pdf, 1080p (FullHD)) бейнеролик, макет немесе презентациямен слайд түрінде, бір автордан үш жобаға дейін қабылданады.
Байқауға қатысу үшін 25 қыркүйекке дейін shymkent2020@gmail.com сайтында жарияланған арнайы үлгіні толтырып, электронды поштаға жіберу қажет.
Қосымша ақпаратты +7 (701) 102 17 17, +7 (702) 109 17 17 телефондары арқылы алуға болады.
Байқау жеңімпаздары мақтау қағаздарымен және түрлі бағалы сыйлықтармен марапатталады.
