Қостанай облысының оқу орындары биыл «Серпін» бағдарламасы бойынша Алматы, Жамбыл, Қызылорда, Түркістан және Жетісу облыстарынан 500-ден астам адам қабылдауға дайын деп хабарлайды 24kz. Оларды негізінен техникалық, ауыл шаруашылығы, педагогикалық мамандықтар бойынша дайындайды. Бұл – өңірдегі жұмысшы мамандарға зәру 40 кәсіпорынның тапсырысы бойынша қолға алынған шара.
Қостанай облыстық білім басқармасының баспасөз-хатшысы Анна Лазареваның айтуынша колледждерге қабылдау жергілікті өндіріс орындарының сұранысына сай жүргізіледі. "Біріншіден, бұл түлектердің нақты мамандық бойынша білім алуына кепілдік береді. Екіншіден, сол кәсіпорында практикалық тәжірибе жинайды. Сосын міндетті түрде тұрақты жұмыспен қамтылады. Қазіргі кезде мектеп түлектері арасында үгіт-насихат жүріп жатыр. Ол оқу жылының аяғына дейін жалғасады",- дейді ол.
