1920 жылы Өзбекстанда бар болғаны 4,4 миллион тұрақты тұрғындар тұрды. Ұлттық статистика комитеті Өзбекстанның 105 жылдық демографиялық көрсеткішін жариялады, деп хабарлайды ӨзА.
Соңғы жылдары халық санының тұрақты өсуі байқалады. Статистикалық мәліметтерге сүйенсек, 2020 жылы ел халқының саны 33,9 миллион адамды болса, бес жылдан кейін бұл көрсеткіш 3,6 миллион адамға артқан. Оның 18,9 миллионы (50,4 пайызы) ерлер, 18,6 миллионы (49,6 пайызы) әйелдер. Қала халқы – 19,1 миллион (51 пайыз), ауыл халқы – 18,4 миллион (49 пайыз). 2024 жылы 926 400 бала дүниеге келді, бұл өткен жылмен салыстырғанда 3,7%-ға аз.
Ұлттық статистикалық комитет жариялаған тарихи деректерге көз жүгіртсек, 1920 жылы Өзбекстанда небәрі 4,4 миллион адам өмір сүрген. Осы жылдар ішінде бұл сан айтарлықтай өсіп, 1990 жылы 20,2 миллионға, 2000 жылы 24,5 миллионға жетті. 21 ғасырда демографиялық өсу қарқыны жоғары, 2010 жылға қарай халық саны 28 миллион болса, 2020 жылы 33,9 миллион, 2025 жылы 37,5 миллион болды.
Халық санының өсуі елдің дамуы үшін мүмкіндік те, проблема да болуы мүмкін. Маңыздысы, Өзбекстан экономикалық өсу мен әлеуметтік инфрақұрылымды халық санының өсу қарқынына бейімдеп отыр.
