Қала әкімінің өкімімен Шымкент қаласының жер қатынастары басқармасының басшысы лауазымына Азат Рахымбердіұлы Исламов тағайындалды.
Азат Рахымбердіұлы 1987 жылғы 16 қарашада Шымкент қаласында туылған, қазақ, білімі жоғары.
Әл-Фараби атындағы Қазақ ұлттық университетін бітірген, мамандығы бойынша біліктілігі – мемлекеттік және жергілікті басқару.
Еңбек жолында Алматы облысы, Талғар қаласы әкімі аппаратының бас маманы, Қазақстан Республикасы Жер ресурстарын басқару агенттігінің Алматы облысы және Алматы қаласы бойынша өңіраралық жер инспекциясы Алматы қаласы бойынша жерді пайдалану мен қорғауды мемлекеттік бақылау бөлімінің бас маманы-мемлекеттік инспекторы қызметтерін атқарды.
Сондай-ақ, Алматы қаласы қала құрылысын бақылау басқармасы жердің пайдаланылуы мен қорғалуын бақылау бөлімінің басшысы, басқарма басшысының орынбасары, Алматы қаласы тұрғын үй саясаты басқармасы тұрғын үйді есепке алу және тарату бөлімінің басшысы, Алматы қаласы коммуналдық инфрақұрылымды дамыту басқармасы тұрғын үйді есепке алу және тарату бөлімінің басшысы болып еңбек етті.
Кейін Шымкент қаласының тұрғын үй басқармасы басшысының орынбасары болды.
13.05.2024 жылдан бүгінгі күнге дейін Шымкент қаласының тұрғын үй басқармасының басшысы лауазымында қызмет атқарып келді.
