Бәсекелестікті қорғау және дамыту агенттігі төрағасының бірінші орынбасары Рустам Ахметов Fly Arystan-ды AirAstana-дан бөлек шығару ұсынысы неге кешігіп жатқанын түсіндірді деп жазады ҚазАқпарат.
– AirAstana-ның Fly Arystan бөлімшесіне келсек, иә, біз оны бөлек шығаруды ұсынғанбыз. Бірақ қазір ондай шешім қабылданған жоқ. Қазір нарыққа қосылған жаңа ойыншының келуі нарыққа қалай әсер ететінін бақылап отырмыз. Осы талдаудың қорытындысы бойынша баға бәсекесі туындамаса, басқа шараларды ұсынамыз, - деді агенттік төрағасының орынбасары.
Оның айтып отырған жаңа ойыншысы – қатарлық инвестор.
- Азаматтық авиация бойынша айтсақ, иә, біз нарықтың монополияндыру жүріп жатқанын көріп отырмыз. AirAstana қазір бұл нарықтың 55%-ын алып отыр. Сәйкесінше баға бәсекесінің стимулдары әлсірейді. Мұндағы негізгі шешім – тауарлар нарығын монополиясыздандыру. Qazaq Air активін сату ұсынысын қолдадық. Қазір бұл нарыққа қатарлық инвестор кіріп жатыр. Ол инвестор борт санын арттыруға инвестиция салуға міндет алып отыр. Бұл нарықтағы ойыншылардың арасында баға бәсекесін туындату керек, - деді Рустам Ахметов.
