Көлік министрлігі биылғы жылдың 1 мамырынан бастап қазақстандық «QazaqAir» әуе компаниясы Астана — Түркістан — Самарқанд бағыты бойынша Өзбекстанға жаңа бағыт ашуды жоспарлап отырғанын хабарлады.
Көлік министрлігі тұрақты негізде ұшу географиясын кеңейтіп, қолданыстағы бағыттар бойынша рейстер санын арттыру аясында жұмыс жүргізіп жатқаны белгілі болып отыр.
Астана — Түркістан — Самарқанд бағыты бойынша ұшатын рейстер аптасына 2 рет бейсенбі және жексенбі күндері орындалады. Қазақстан мен Өзбекстан арасындағы рейстердің жалпы саны аптасына 42-ден 44-ке дейін артады.
Әуе қатынасының ашылуы екі ел арасындағы сауда-экономикалық, іскерлік және туристік ынтымақтастықты одан әрі дамытуға ықпал етеді деп күтіледі.
